«Հայաստան. խաղողի այգի, գինի և Արարատ լեռը» խորագրով միջոցառում Լոգրոնյոյում

28 մարտի, 2023

Մարտի 28-ին Լոգրոնյա քաղաքում կայացել է hայկական գինիներին նվիրված միջոցառում` «Հայաստան. խաղողի այգի, գինի և Արարատ լեռը» խորագրով։ Միջոցառումն անցկացվել է Լոգրոնյոյի Խաղողի և գինու ուսումնասիրությունների ինստիտուտի կազմակերպմամբ և Լա Րիոխայի կառավարության հովանավորությամբ։ Միջոցառման հիմնական նպատակն էր ներկայացնել Հայաստանը որպես խաղողի ծագման և մշակման բնօրրան, ինչպես նաև անդրադարձ կատարել հայկական գինու պատմությանը, մշակույթին։ Միջոցառմանը մասնակցել և ելույթով հանդես է եկել դեսպան Սոս Ավետիսյանը, ով իր խոսքում անդրադարձ է կատարել հայկական գինեգործության հարուստ ավանդույթներին։

Միջոցառմանը ներկա են գտնվել Լա Րիոխայի կառավարության և տեղի հայ համայնքի ներկայացուցիչներ, գինեգործներ, գիտաշխատողներ։ Միջոցառման շրջանակներում կազմակերպվել է Լա Րիոխայի հայ համայնքի կողմից ներկայացված հայկական տարազների և հուշանվերների ցուցադրություն, իսկ տեղի հայ համայնքի ներկայացուցիչ, դուդուկահար Նորիկ Սահակյանի կատարմամբ հնչել են Կոմիտասի ստեղծագործությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր