Դեսպան Վլադիմիր Կարմիրշալյանն իր հավատարմագրերի պատճենը հանձնեց Անդորրայի արտաքին գործերի նախարար Մարիա Ուբաշ Ֆոնտին

10 սեպտեմբերի, 2020

Իսպանիայի Թագավորությունում և համատեղության կարգով Անդորրայի Իշխանապետությունում ՀՀ դեսպան Վլադիմիր Կարմիրշալյանը սեպտեմբերի 10-ին իր հավատարմագրերի պատճենը հանձնեց Անդորրայի արտաքին գործերի նախարար Մարիա Ուբաշ Ֆոնտին: Վերջինս շնորհավորեց ՀՀ դեսպանին նշանակման կապակցությամբ և մաղթեց մեծ հաջողություններ իր նոր առաքելության ընթացքում: Մարիա Ուբաշ Ֆոնտը ջերմությամբ հիշեց 2018թ. Ֆրանկոֆոնիայի 17-րդ գագաթաժողովի շրջանակներում Հայաստան կատարած իր այցն ու ՀՀ արտաքին գործերի նախարար Զոհրաբ Մնացականյանի հետ ունեցած հանդիպումները:

Նախարար Ուբաշ Ֆոնտը բարձր գնահատեց նաև միջազգային կազմակերպությունների , այդ թվում՝ ՄԱԿ-ի, ԵԽ-ի և Ֆրանկոֆոնիայի միջազգային կազմակերպության շրջանակներում Հայաստանի և Անդորրայի միջև ծավալվող արդյունավետ համագործակցությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր