Դեսպան Վլադիմիր Կարմիրշալյանը Զբոսաշրջության համաշխարհային կազմակերպությունում Հայաստանի մշտական ներկայացուցչի իր հավատարմագրերը հանձնեց Զուրաբ Պոլոլիկաշվիլիին

27 ապրիլի, 2021

Դեսպան Վլադիմիր Կարմիրշալյանն այսօր ՄԱԿ-ի Զբոսաշրջության համաշխարհային կազմակերպությունում (ԶՀԿ) ՀՀ մշտական ներկայացուցչի իր հավատարմագրերը հանձնեց այդ կազմակերպության գլխավոր քարտուղար Զուրաբ Պոլոլիկաշվիլիին։ Հավատարմագրերի հանձնման արարողությանը հետևեց առանձնազրույցը Զուրաբ Պոլոլիկաշվիլիի հետ, որի ընթացքում դեսպան Կարմիրշալյանը վերահաստատեց այս միջազգային կազմակերպությունում ներկայությունն ակտիվացնելու և նրա հետ համագործակցությամբ զբոսաշրջության ոլորտը խթանելու Հայաստանի մտադրությունը։ ԶՀԿ գլխավոր քարտուղար Զուրաբ Պոլոլիկաշվիլին շնորհավորեց ՀՀ դեսպանին և պատրաստակամություն հայտնեց իր ղեկավարած կառույցի շրջանակներում զարգացնել հարաբերությունները Հայաստանի հետ։

Զբոսաշրջության համաշխարհային կազմակերպությունը Միավորված ազգերի կազմակերպության մասնագիտացված մարմիններից է, որի գործունեությունն ուղղված է զբոսաշրջության խթանմանը և որի կենտրոնակայանը գտնվում է Մադրիդում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր