Դեսպան Սոս Ավետիսյանը հանդիպել է Անդորրայի խորհրդարանի նախագահի հետ

15 մարտի, 2023

Անդորրա իրականացրած աշխատանքային այցի շրջանակներում դեսպան Սոս Ավետիսյանը հանդիպել է Անդորրայի խորհրդարանի նախագահ Ռոսեր Սունյեի հետ։ Դեսպան Ավետիսյանը զրուցակցին է ներկայացրել Ադրբեջանի կողմից Լաչինի միջանցքի գրեթե 100 օր շարունակվող արգելափակման հետևանքով ստեղծված իրավիճակը, Լեռնային Ղարաբաղի հայությանն էթնիկ զտման ենթարկելու Ադրբեջանի քաղաքականությունն ու մշտական սպառնալիքները, ընդգծել է Լաչինի միջանցքի բնականոն գործունեությունն օր առաջ վերականգնելու անհրաժեշտությունը։ Անդորրայի խորհրդարանի նախագահը կարևորել է հանդիպումը Հայաստանի մասին իրազեկվածության, ինչպես նաև Հայաստանի արտաքին քաղաքական առաջնահերթությունների վերաբերյալ տեղեկացվածության բարձրացման առումներով։ Երկուստեք ընդգծվել է երկու երկրների խորհրդարանների միջև ինստիտուցիոնալ համագործակցության զարգացման և խորհրդարանական պատվիրակությունների փոխայցելությունների կազմակերպման կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր