ՀՀ ԿԳՄՍ նախարարի տեղակալի հանդիպումը ԻԹ սպորտի պետքարտուղարի հետ

17 ապրիլի, 2023

Իսպանիա իրականացրած աշխատանքային այցի շրջանակներում ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը հանդիպել է Իսպանիայի Թագավորության Սպորտի բարձրագույն խորհրդի նախագահ, ԻԹ սպորտի պետքարտուղար Խոսե Մանուել Ֆրանկո Պարդոյի հետ:

Քննարկվել են ուսումնամարզական տարբեր ոլորտներում համագործակցությանը, փորձի փոխանակմանը, սպորտային որակավորումներով կրթական ծրագրերի ներդրմանն առնչվող հարցեր, որոնք երկուստեք արժանացել են հավանության։

Հանդիպման ընթացքում պայմանավորվածություն է ձեռք բերվել ոլորտային համագործակցության զարգացման և ընդլայնման նպատակով հուշագիր ստորագրելու շուրջ։

Հանդիպմանն անդրադարձ է կատարվել նաև Երևանում ընթացող ծանրամարտի Եվրոպայի առաջնությունում Իսպանիայի հավաքականի մասնակցությանն ու գրանցած հաջողություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր