Տեղի է ունեցել Իսպանիայում առաջին Հայագիտության ամբիոնի բացման հանդիսավոր արարողությունը

17 ապրիլի, 2023

Իսպանիայում ՀՀ դեսպանության նախաձեռնությամբ և Մադրիդի Կոմպլուտենս համալսարանի հետ համագործակցությամբ ապրիլի 17-ին կայացել է Իսպանիայում առաջին Հայագիտության ամբիոնի բացման հանդիսավոր արարողությունը։ Բացման արարողությանը մասնակցել և ելույթներով հանդես են եկել ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, Իսպանիայում ՀՀ արտակարգ և լիազոր դեսպան Սոս Ավետիսյանը, Մադրիդի Կոմպլուտենս համալսարանի Աշխարհագրության և պատմության ֆակուլտետի դեկան Միգել Լուկե Տալավանը, Grupo Prisa մեդիաընկերության նախագահ Ժոզեֆ Ուղուրլյանը, Հայագիտության ամբիոնի տնօրեն Ֆրանսիսկո Սուրյանը։ Բանախոսներն իրենց խոսքում կարևորել են ՀՀ կառավարության աջակցությամբ Իսպանիայում հայագիտական կենտրոնի հիմնումը՝ Իսպանիայում և իսպանախոս շրջանակներում Հայաստանի և հայ ժողովրդի մասին ճանաչելիության բարձրացման, գիտական մակարդակով ուսումնասիրման, հայոց լեզվի տարածման, հայկական մշակույթի հանրահռչակման, հայ-իսպանական բարեկամության ամրապնդման առումներով։

Բացման արարողությանը ներկա են գտնվել Իսպանիայի Պատգամավորների Կոնգրեսի, ԻԹ արտաքին գործերի, ԵՄ և համագործակցության նախարարության պաշտոնյաներ, իսպանացի հասարակական գործիչներ, գիտնականներ, լրագրողներ, հայ համայնքի ներկայացուցիչներ։

Հանդիսավոր արարողության ավարտին Կոմիտասի ստեղծագործությունների կատարմամբ հանդես են եկել իսպանաբնակ դուդուկահար Նորիկ Սահակյանը և դաշնակահարուհի Քրիստինե Աբրահամյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր