ՀՀ ԱԺ պատվիրակությունը հանդիպել է ԵԱՀԿ ԽՎ-ում Իսպանիայի պատվիրակության հետ

26 ապրիլի, 2023

2023թ․ ապրիլի 25-27-ն աշխատանքային այցով Իսպանիայում գտնվող ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանի գլխավորած պատվիրակությունը հանդիպել է նաև ԵԱՀԿ Խորհրդարանական վեհաժողովում Իսպանիայի խորհրդարանի պատվիրակության ղեկավար, Հարավային Կովկասում ԵԱՀԿ ԽՎ հատուկ ներկայացուցիչ Պերե Ժոան Պոնսի և պատվիրակության անդամների հետ: Քննարկվել են տարածաշրջանային անվտանգությանը և կայունությանն առնչվող հարցեր:

Պատվիրակության անդամները հանգամանալից ներկայացրել են Լաչինի միջանցքի ապօրինի արգելափակման հետևանքով ստեղծված իրավիճակը` անընդունելի համարելով միջանցքում Ադրբեջանի կողմից անցակետի տեղակայումը: Այս համատեքստում ընդգծվել է Լաչինի միջանցք միջազգային փաստահավաք առաքելության գործուղման անհրաժեշտությունը:

Քննարկվել են նաև ԵԱՀԿ ԽՎ շրջանակում երկու երկրների պատվիրակությունների համագործակցությանը և Վանկուվերում կայանալիք առաջիկա տարեկան նստաշրջանի աշխատանքներին վերաբերող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր