Պաշտոնական ընդունելություն ՀՀ անկախության 32-րդ տարեդարձի կապակցությամբ

26 հոկտեմբերի, 2023

Հոկտեմբերի 26-ին Իսպանիայում ՀՀ դեսպանությունը կազմակերպել է պաշտոնական ընդունելություն ՀՀ անկախության 32-րդ տարեդարձի կապակցությամբ, որին ներկա են գտնվել Իսպանիայի արտաքին քաղաքական գերատեսչության պաշտոնյաներ, ԻԹ-ում հավատարմագրված օտարերկրյա դեսպաններ և դիվանագետներ, Իսպանիայի գործարար, գիտական շրջանակների, լրատվամիջոցների և հայ համայնքային կառույցների ներկայացուցիչներ:

Միջոցառման ընթացքում ելույթով հանդես է եկել դեսպան Սոս Ավետիսյանը: Դեսպանն իր ելույթում անդրադարձել է Ադրբեջանի էթնիկ զտման քաղաքականության հետևանքով Լեռնային Ղարաբաղի բնակչության բռնի տեղահանմանն ու ստեղծված հումանիտար իրավիճակին, Հայաստանի առաջ մղած խաղաղության օրակարգին, տարածաշրջանային զարգացումներին։ Դեսպանն իր խոսքում գոհունակությամբ ընդգծել է նաև հայ-իսպանական երկկողմ հարաբերություններում վերջին շրջանում արձանագրված դրական դինամիկան ու քաղաքական երկխոսության առկա մակարդակը՝ կարևորելով տարբեր ոլորտներում երկկողմ համագործակցության հետագա ընդլայնումն ու խորացումը։

Երեկոյի ընթացքում հայ երգահանների ստեղծագործությունների կատարումներով հանդես են եկել իսպանաբնակ հայազգի դաշնակահար Ռուբեն Եսայանը և մեներգչուհի Քրիստինե Աբրահամյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր