Իսպանիա իրականացրած աշխատանքային այցի շրջանակում ՀՀ ԿԳՄՍ նախարարն այցելել է Մադրիդի Պրադո ազգային թանգարան

08 մայիսի, 2024

Իսպանիայի Թագավորություն աշխատանքային այցի շրջանակում ՀՀ ԿԳՄՍ նախարար Ժաննա Անդրեասյանը մայիսի 8-ին այցելել է Մադրիդի Պրադո ազգային թանգարան և հանդիպել միջազգային համագործակցության բաժնի ղեկավար Ֆրանսիսկո Տարդիո Բաեսայի հետ։ Հանդիպմանը ներկա է գտնվել Իսպանիայում ՀՀ դեսպան Սոս Ավետիսյանը։

ԿԳՄՍ նախարար Ժաննա Անդրեասյանը շնորհակալություն է հայտնել ընդունելության համար և նշել, որ ՀՀ կառավարությունը կարևորում է միջազգային հեղինակավոր թանգարանների հետ համագործակցությունը՝ անդրադառնալով Բրիտանական թանգարանի և Լուվրի հետ ՀՀ թանգարանների համագործակցությանը։

Նախարարը Պրադո թանգարանի ղեկավարությանը հրավիրել է սեպտեմբերի 21-ին Հայաստանի պատմության թանգարանում «Մայր աստվածություն․ Անահիտից Մարիամ» միջազգային ցուցահանդեսին՝ ծանոթանալու նաև հայկական մշակույթին, թանգարանային գործունեությանը և միասին քննարկելու համատեղ ծրագրեր իրականացնելու հնարավորությունները։

Հանդիպման ընթացքում կողմերն անդրադարձել են թանգարանային ոլորտին առնչվող մի շարք ծրագրերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր