ՀՀ ԿԳՄՍ նախարարը հանդիպել է ԻԹ մշակույթի նախարարի հետ

09 մայիսի, 2024

Իսպանիայի Թագավորություն կատարած աշխատանքային այցի շրջանակում ՀՀ ԿԳՄՍ նախարար Ժաննա Անդրեասյանը մայիսի 9-ին հանդիպել է ԻԹ մշակույթի նախարար Էռնեստ Ուրտասունի հետ: Հանդիպմանը ներկա է գտնվել Իսպանիայում ՀՀ դեսպան Սոս Ավետիսյանը։

Հանդիպման ընթացքում քննարկվել են երկու երկրների միջև մշակութային կապերի ամրապնդմանը վերաբերող հարցեր՝ երկուստեք հայտնելով համատեղ նախաձեռնությունների իրականացման պատրաստակամություն:

ՀՀ ԿԳՄՍ նախարար Ժաննա Անդրեասյանը մայիսի 9-ին այցելել է նաև Իսպանիայի Ռեյնա Սոֆիա արվեստի ազգային կենտրոն-թանգարան: Թանգարանի տնօրեն Մանուել Սեգադեի ուղեկցությամբ նախարարը շրջայց է կատարել թանգարանի ժամանակավոր ցուցադրություններում, քննարկել մշակույթի ոլորտում համագործակցության հեռանկարները, մասնավորապես, երկու երկրների թանգարանների միջև:

Հանդիպման ընթացքում քննարկվել է նաև Երվանդ Քոչարի 125-ամյակի շրջանակում Իսպանիայի արվեստի ազգային կենտրոն-թանգարանի հետ համատեղ ցուցադրություն կազմակերպելու հնարավորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր