ՀՀ ԿԳՄՍ նախարարն այցելել է Սերվանտեսի ինստիտուտ և Մադրիդի Կոմպլուտենս համալսարան

10 մայիսի, 2024

Իսպանիա իրականացրած աշխատանքային այցի շրջանակներում ՀՀ ԿԳՄՍ նախարար Ժաննա Անդրեասյանը մայիսի 10-ին այցելել է Սերվանտեսի ինստիտուտ, Իսպանիայի Թագավորություն այցի շրջանակում այցելել է Սերվանտեսի ինստիտուտ, որտեղ հանդիպել է միջազգային հարաբերությունների տնօրեն Լուիս Մարինայի հետ: Հանդիպմանը ներկա է գտնվել Իսպանիայում ՀՀ դեսպան Սոս Ավետիսյանը։

Ժաննա Անդրեասյանը նշել է, որ Հայաստանում մեծանում է հետաքրքրությունը իսպաներենի և իսպանական մշակույթի նկատմամբ ոչ միայն բուհերում, այլև որոշ դպրոցներում, որտեղ ուսումնասիրվում է իսպաներեն: Հանդիպմանը քննարկվել է Հայաստանում Սերվանտեսի ինստիտուտի հետ համագործակցության և համապատասխան կենտրոն հիմնելու հնարավորությունը, որը կնպաստի նաև իսպանական մշակույթի ուսումնասիրությանը, միջոլորտային հաղորդակցությանը և կապերի զարգացմանը։ Կարևորվել է, որ կծավալվի ակտիվ համագործակցություն իսպաներեն ուսումնասիրող ՀՀ բուհերի և Սերվանտեսի ինստիտուտի միջև:

ՀՀ ԿԳՄՍ նախարար Ժաննա Անդրեասյանը մայիսի 10-ին այցելել է Մադրիդի Կոմպլուտենս համալսարան, ծանոթացել է Մադրիդի համալսարանական քաղաքի գործունեությանը:

Նախարարը հանդիպել է համալսարանի միջազգային համագործակցության գծով պրոռեկտոր Մարիա դել Ռոսարիո Կրիստոբալ Ռոնսերոյի հետ։ Հանդիպմանը ներկա են գտնվել Իսպանիայում ՀՀ դեսպան Սոս Ավետիսյանը և Հայագիտության ամբիոնի տնօրեն Ֆրանսիսկո Սուրյանը։

Քննարկվել են համալսարանի Հայագիտության ամբիոնի գործունեությանը, ինչպես նաև համատեղ ծրագրերի իրականացմանն առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր