Սերգեյ Փարաջանովի ծննդյան 100-ամյա հոբելյանին նվիրված ցուցադրությունների շարք Մադրիդում

17 հոկտեմբերի, 2024

Հոկտեմբերի 15-ին Իսպանիայի ազգային կինոարխիվի Cine Doré կինոթատրոնում Սերգեյ Փարաջանովի կարճամետրաժ 3 ֆիլմերի՝ «Տրիպտիխի» ցուցադրմամբ մեկնարկել է Մադրիդում մեծանուն հայ կինոռեժիսորի ծննդյան 100-ամյա հոբելյանին նվիրված ցուցադրությունների շարքը։

Ֆիլմի ցուցադրումից առաջ լեգենդար կինոռեժիսորի ստեղծագործական կյանքին, գործունեությանն ու ժառանգությանը նվիրված ելույթներով հանդես են եկել Իսպանիայում ՀՀ դեսպան Սոս Ավետիսյանը և Մադրիդի Կոմպլուտենս համալսարանի պրոֆեսոր Ֆրանսիսկո Խոսե Գարսիա Ռամոսը։

Ավելի քան 300 ակնդիրների շարքում են եղել ԻԹ պաշտոնյաներ, պատգամավորներ, ԻԹ-ում հավատարմագրված դիվանագիտական կորպուսի ներկայացուցիչներ, իսպանացի հասարարակական, մշակութային գործիչներ, լրագրողներ, Իսպանիայի հայ համայնքի ներկայացուցիչներ։

Հոկտեմբերի 17-ին Սերգեյ Փարաջանովի ծննդյան 100-ամյա հոբելյանին նվիրված միջոցառումների շրջանակներում ռեժիսորի «Նռան գույնը» ֆիլմն առաջին անգամ ցուցադրվել է Մադրիդում՝ Գեղեցիկ արվեստների միությունում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր